Firth Neb Jan 3, 1897 Lancaster Co

Elskulegi bróðir

Guð gefi að þessi miði meji finna þig frískan og lukkulegan Jeg hef nú skammast mín svo leingi firir að hafa ekki skrifað þjer firri að jeg veit valla hvernin að birja á brjefi til þín, en jeg bið þig nú auðmjúklega firirgefningar og jeg skal nú skrifa þjer optar í framtíðinni. það eru nú nærri sex ár síðan jeg skrifaði þjer seinast ef mig minnir rjett þá hafði jeg rjett birjað búskap uppá baslaramóð jeg rentaði það pláss firr $175.00 í peningum og rjett þegar jeg birjaði var vorvinnu þá missti jeg besta hrossið mitt únga meri sem

kostaði mig $225.00 já jeg kjeipti mjer annað hross og hjelt áfram með búskapin enn í Júly skrælnaði allt upp af þurki svo jeg fór að vinna firir aðra eins fljótt og jeg gat fengið aðra vinnu það var svo sem aunga vinnu að fá það ár eða til næsta vors jeg fór þá að vinna firir góðan bónda og vann hjá honum til vorið 1894 þá giptist jeg og fór að búa konan er Amerícensk og heitir America H. föðurnafnið hennar er Graff hún er elst af fimm börnum móðir hennar dó þegar hún var tólf ára hún hjelt hús firir föður sinn frá því þar til við giptumst hún er einstaklega góð og dugleg kona makalaust reglusöm og þrifin og sparsöm

Tengdafaðir minn er gamall og góður hermaður úr þrælastríðinu hann fær $8.00 á mánuðin í eptirlaun frá stjórninni hann á 80 ekrur af landi og snoturt bú gott hús og útbiggingar og er í góðum kríngumstæðum hann á þjrá sonu sem eru allir farnir að vinna firir sjálfa sig en íngri dóttir hans er enn heima og heldur hús firir hann

þann 11ta Jan, 1895 fæddist okkur dreingur sem Guði þóknaðist að taka aptur frá okkur og þann 22an Júly 1896 fæddist okkur annar fallegur dreingur sem er einstaklega efnilegur og frískur

Já jeg held jeg megi nú sega þjer dálítið af búskapnum jeg hef 80 ekrur af landi sem jeg renta ár frá ari firir einn þriðja part af ölu sem gróið

er af plóglandinu sem eru 60 ekrur svo eru 20 ekrur af beitilandi sem það kostar mig $25 á arið svo renta jeg frá 30 til 40 ekrur af plóglandi þar firir utan og hef það firir þrjiðjúng jeg á þrjú dugleg hross 4ar kyr 7 í allt 3ja vetrúnga 20 svín og nóg af alífuglum jeg á öll þaug verkfæri sem jeg þarf með Wagn plóga herfi sjálfbindara slúttvjel o.s.frv. Tímar hafa nú ekki verið uppá það besta seinast liðin þrjú eða fjegur ár í hittifirra hafði jeg 60 ekrur í korni og 25 af höfrum jeg fjekk 35 busl af höfrum af ekrunni og 10 af korni það var lítið meira en nóg til að fóðra hestana á, í firra var annað þurkaár það er að

sega hjer í Nebr þá vóru einstaklega góðar uppskjerur nærri allstaðar um bandarikjin það voru svo sem 100 mílur hvern veg hjer í Nebraska sem ekkert regn kom þegar við þurptum þess með svo jeg reiti hjer um bil það sama nóg til fóðurs en ekkert til að selja nema fáein svín en þettað árið voru hafrar alveg ónítir vegna votviðra hveiti ljelegt en korn gott frá 40 til 50 búshel af ekrunni en nú skal jeg sega þjer hvernig prisar hafa farið niður síðan jeg birjaði að búa í hittifirra var korn 40 til 50 cent hafrar 30 og 35 hveiti 60 og 65 í firra korn 18 og 20 hafrar 15 hveiti 40 45 þetta ár korn 10 og 12 hveiti

35 og 40 er nú að stíga upp dálítið hafrar nyir óseljandi gamlir 9 og 10 cent þú sjerð nú að við erum ekki í mikið betra standi þettað ár en við vórum í firra vegna þess að það tekur svo mikið meiri vinnu að hirða um stóra uppskjeru jeg veit af mönnum hjer í kríng sem höfðu vinnumenn þeir hafa selt allt kornið til að borga þessum mönnum og kannskje búðarskuldir og hafa ekkert firir sijna eiin vinnu margir komust í skuldir í þessum hörðu árum og af því allt synist vera að gánga á bak aptur þá kalla þeir in lánin sem hafa þaug útistandandi eins fljótt og þeir geta, Já hamíngunni sje lof jeg hef haldist við þó jeg hafi ekkert grætt jeg hef

ekkert kjeipt sem jeg hef ekki þurft nauðsinlega með eða sem jeg gæti ekki borgað firir útí hönd jeg hef nú svo sem 1200 bushels af korni sem jeg hef að selja jeg hef von um að prijs komi upp svo jeg geti haft eitthvað uppúr því

Allir hlutir hafa farið úr verði svín hafa verið undir 3ur sentum á fæti meir en í tvö ár nautpeningur er í bærilegum prís hestar sem seldu firir $1.50,00 firir fáum arum selja nú firir 50 eða $60 land hefur komið niður einn fjórða part. þig lángar nú víst til að heira eitthvað af Lárusi honum líður nú vel hann á landið sitt ennþá og hefur allt í besta standi hefur biggt fallegt og gott hús og barn María dóttir hans er nú orðin mindarleg stúlka hún er nærri

12 ára hún er greind og gengur vel að læra forldrar hennar kjeiptu orgel firir hana í firra og hún hefur haft kjennara svona af og til og hún spilar fremur vel. Jeg gæti nú skrifað þjer mart fleira elsku bróðir en jeg held mjer sje betra að hætta í þettað sinn en skrifa þjer optar mig langar ósköp til að frjetta frá Olafsdal hvernig Guðlaugu og börnonum líður hvernin borgu og helgu sistrum okkar líður og þar svo mart sem mann langar til að frjetta af æskustöðvum sínum það er ekki liklegt að jeg sjái nokkurn tíma Island framar firirgefðu þínum elskandi bróður Bjartur

Guð varðveiti ukkur öll í lífi og dauða