Hofi 12 maí 1895

Kæri vin og frændi!

Innilegustu þakkir eiga þessar línur að færa þér fyrir mjög alúðlegt bréf með Olgeiri bróðir d.s. 5 ap: og fyrir alla alúð og trigð mér sínda í gamladaga. Eg var hættur að vonast eptir bréfi frá þér, af því svo mörgum hættir við að gleíma sínum smærri meðbræðrum þegar þeír eru sjálfir komnir til hærri valda, en það þarf ekki að segja um þig, þú ert einlægt hinn sami og jafni trigða vinurinn, og þá eg sá

bréf þitt varð eg svo himinglaður, þar eg sá að þú ert jafn alúðlegur eins og þegar við vórum að berjast við námið hver í sinu lægi.

Mér þikir vænt um að heyra að þig fýsi aptur heím til hinnar eldgömlu Ísafoldar, já og verðir dómari minn, eg voni þá að þú dæmir mig vægilega fyrir smá sindirnar! -

Sjálfsagt er að eg smíði fyrir þig ef þú þarft þess við, mig minnir það væri líka einhverntíma samningur okkar. En á eg ekki líka að vera skrifarin þinn? Þetta er nú flítirs spark, en þegar eg vanda mig þá er það Skjönn skript!!

Fréttir hef eg fáar að segja þér því ætlaði eg að fara að segja þér stutt yfirlit yfir æfi mína síðan

við skildum, þá yrði það þá alt of langt mál til að skrifa það, og ætli eg því best að geíma það samfunda.

Eg hef einlægt verið frískur, og optast við smíðar sumar og vetur, og getur þú því nærri að eg muni vera orðin æfður. Þar á millum er eg ármaður stórhöfðingja, og stundum sem verzlunar maður, já eg breíti mér í ímissar mindir, rétt eins og mér virðist við eiga í þann og þann svipin, og af því sérð þú að eg er þá allvel flínkur, svo eg raupi nú ögn! Eg hef smíðar hér timburhús í hjáverkum mínum 23 ál langt og 8 ál breitt með kvisti í gegn 7 ál breíðum Héðan fer eg seinast í júní í sumar til Patreksfjarðar til Markhúsar kaupmans, bæði til smíða og verzlunar Hér eru gullfallegar meyjar dætur pressins, en gefa ætli eg

náunganum þær, þó fagrar séu. -

Eg sendi þér vísikortið mitt að gamni mínu, og máski mind, og þá bið eg þig að gjöra svo vel og hjálpa mér með að láta afminda hana aptur hjá þeím berzta Fótógraffa sem þú þekkir í höfn og senda mér til Patreksfjarðar nokkur stikki (og náttúrlega reíkning)

Eg ætli nú út og láta afminda mig, og setja svo botin í brefið þegar eg kem inn aptur.

Nú er eg búin að sitja fyrir en hverin hún verður má kongurinn vita

Eg kveð þig svo og kissi í anda með öllum heílla og blessunar óskum á þessu nýbirjaða sumri og alla ólifaða æfidaga

mælir vinsamlegast þinn ónýtur vin og frændi

Ásgeir Tr: Friðgeirsson