Nafn skrár: | SvbJon-1916-10-12 |
Dagsetning: | A-1916-10-12 |
Ritunarstaður (bær): | Noregi |
Ritunarstaður (Sveitarf.): | |
Ritunarstaður (Sýsla): | |
Athugasemd: | |
Safn: | Héraðsskjalasafnið á Akureyri |
Safnmark: | |
Nafn viðtakanda: | |
Titill viðtakanda: | |
Mynd: | ljósrit |
Bréfritari: | Sveinbjörn Jónsson |
Titill bréfritara: | byggingarmeistari |
Kyn: | karl |
Fæðingardagur: | 1900-02-12 |
Dánardagur: | 1982-01-26 |
Fæðingarstaður (bær): | Syðra-Holti |
Fæðingarstaður (sveitarf.): | Svarfaðardalshreppur |
Fæðingarstaður (sýsla): | Eyf. |
Upprunaslóðir (bær): | |
Upprunaslóðir (sveitarf.): | |
Upprunaslóðir (sýsla): |
Texti bréfs |
Porsgrund 12. Okt. 1916. Góði Gísli! Þökk fyrir alt gott. Ekki má eg gleyma að lofa ykkur að vita hvar eg er og hvernig eg hef það, eins og þið báðuð mig. Eg er her í Porsgrund og bý með Steini frænda. Vinn á verksmiðju sem gerir glugga og hurðir o.fl. en er svo á kveldskóla á kveldin. Illa hefir geingið að fá her vinnuna því eg ætla nú að byrja að vinna í dag en kom her 27 Seft. Er því búinn að vera vinnulaus í hálfan mánuð. En eg vildi heldur vera her í Porsgrund en annarsstaðar af því Steini, getur svo mikið hjálpað mer í Kristjaniu. En hann er mjög erfiður og þarf eg því að vera á undirbúnings námskeiði þar, frá 15. Jan. í vetur til í Júní í sumar. Verður þetta því alldýr skóla vera þar sem skólinn sjálfur stendur yfir í 2 ár 10 mánuði hvert ár. Og veit eg ekki hvert hægt verður að kljúfa það. En áreiðanlega borgaði það sig því maður af þeim skóla ætti að hafa nóg að gera heim á Íslandi eins og her í Noregi. Skólaganga í Kristjaniu er sögð að kosta 100 til 120 kr. á mánuði Her í Porsgr. kostar hún 90 til 100. Fyrir herbergið og kveld- og morgunmat þurfum við Steinn að borga báðir 94 kr. um mánuðinn. En svo hölum við okkur miðdag sjálfir og kostar hann um
manninn. En þá líka borðum við ekkert annað en aðal fæðan heima. I gærkveld var oft búið að óska eftir vogum sviðum, slátri, keti, skyri harðfiski og hákarli o.fl. sem ekki er fáanlegt her, en eru uppáhaldsrettirnir okkar. En ef einhver sæi okkur éta her harðfisk, værum við álitnir mer verði skrafdrjúkt um það. Ferðin hingað gekk mjög vel. Reindar var mjög ílt af fá far út. Allir voru svo hræddir við að hafa passesera vegna englendinga En með mesta snarræði gat Sigurður frá Holdi komið okkursem hásetum á sildveiðiskipi; sem vantaði háseta til þess að komast heim til Stafanger. Þangað kostaði ferðin okkur því ekkert. Höfðum lika frítt fæði. En frá Stavanger til Porsgr. 22 kr. forir hvern Eg segi Olafsfirðinum sem heitir Kristinn Helgason Var þó veðrið mjög gott og hafið ekki svo mjög ókyrt. þrjá fyrstu sólarhryngana var eg dálítið sjóveikur og stakk þá framm af mer allri vinnu. Í Seirvík urðum við að koma. En englendingurinn var furðu fljótur að afgreiða okkur, þó tortryggur se. En og allir skipverjar sjóaralegir. Samt spurðu þeir eftir hvort eg væri ekki passiseri af því eg var í blárondóttum taujakka. Var hann þó vel skytinn af kola riki. Svo held eg að nóg se komið af þessu rugli, en eg vona að þið verið svo góð að senda mer línur aftur. Með bestu óskum til ykkar allra Sveinbjörn Jónsson Adr: Sveinbjörn Jónsson frú Sörensen Osebakken Porsgrund Norge |
Myndir: |