Guide Rock Nebr 22 Jan 1915

Elskulegi Bróðir

Hjartans þökk firir þitt elskulega brjef skrifað 6ta october sem mikið gladdi mig að frjetta vellíðan þína og þinna og jeg þakka þjer einkanlega firir mindirnar sem mjer þótti svo vænt um að sjá að þið Guðlaug skuli líta svo vel út. Það var líka mikið gleðiefni firir mig að frjetta að þú hafir enþá bærilega sjón þar sem þú hefur átt svo bátt með augunn það er mikil skjemtun firir þig að geta lesið að og skrifað þó þú getir ekki gengið að vinnu sem von er nú ekki til þar sem þú hefur unnið svo hart alla þína æfi það eru líka fáir sem geta nokkuð gert á áttræðisaldri. Jeg sje nú á brjefi þínu að útlit manna er nú ekki glæsilegt sem stendur og datt mjer það nú í hug þegar stríðið kom í sumar eð var en jeg vona að þið getið stobnað verslu við bandarikin

jeg sá í blöðonum að Islendingar voru í New york í haust til þetta að stofna verslun við Americu og jeg bið og vona að þeim hafi gengið vel því það verður líkasttil ómögulegt að fá kornmat frá Evrópu eins lengi og stríðið heldur áfram Já það sem jeg sagði þjer í firra brjefinu um útlit hjer í Nebr var nú svo ógreinilegt að jeg skal nú reina að gera það greinilegra það hefur nú mikið breist hjer síðan þú varst hjer, þá var nú besta tækifærið firir fátægt fólk að koma til Nebr því þá voru járnbrautir og borgir að biggast og þá varð að brjóta landið og bigga heimili þettað er nú allt búið. þeir sem hjálpuðu við þettað verk kjeiptu land og fóru að búa verksmiðjur biggðust hjer ekki vegna þess að hjer hverki járn kol eða timbur svo Nebr er og alltaf verður búnaðarhjerað það hefur aldrei verið mikill influtningur af vinnufólki en bændur hafa stöðugt flutt sig híngað, vinna hjá bændum hefur verið óstöðug því

þegar uppskjeran er rír þá er ekkert sem menn geta fengið að gera jeg íminda mjer að það sje nú mesta orsök til þess að fólk hefur ekki komið híngað í stórflokkum eins og til annara hjeraða t.d. Canada þettað hefur nú leitt til þess að bændur gera að mestu leiti sína eiin vinnu verkfæri eru búin svo til að bændur geta gört sín eiin verk án hjálpar nema hvað þeir skjiptast á um verk vinnufólk er ekki að fá og er ekki hugsað uppá það allt fer nú raunar á beisli um uppskjeru og þreskingar tíma en við komum því af með tímanum, Land selst nú frá 100 til 200 dollara ekran svo maður verður að hafa nokkur efni til að renta land og renta er há verður að vera það til að borga prósentu það er líka hart að renta margir landlausir menn verða að bera til bæa og þeir eiga það slæmt með að fá vinnu og allt sem brúkast til lífernis er í háu verði og fáir

hafa valla nóg að jetabíta og brenna Jeg held nú að það væri betra firir menn sem vilja koma til Americu að fara þángað sem land er birlegt Islendingar eru mest gefnir firir búskap og ættu að finna pláss þar sem land er nítt og þar sem vinnu er að fá utan heimilis nokkuð af tímanum það hafa margir farið hjeðan til Canada menn í góðum efnum og þeir láta vel um sig ef jeg vildi flitja mig þá held jeg að það sje sú besta nílenda sem nú er til

Kristján Halldórsson bróðir Jóns Halldórssonar var í Nebraska í mörg ár hann fór til Canada og seinast jeg sá Jón þá sagði hann að Kristjáni líkaði það ágætlega

Já mjer hefur gengið fremur vel og mjer er nú ekki að þakka það nema að jeg hef reint að vera ráðvandur og reglusamur jeg hef verið annarlega blessaður og er sannarlega þakklátur Jeg vildi jeg hefði verið komin heim í sumar að hjálpa þjer með túnsláttin jeg vildi þú hefðir heiverkfærin sem

við höfum hjer allt er gört með hestum og heiið er ekki snert þángað til það er í hlöðu eða stack. Mikið gott er túnið þitt að gefa svo mikið hei

Þaug seinust undanfarin tvö ár hafa verið rír hjer í firra var þó verra en í sumar við höfðum gott hveiti og hafra og hei en corn var rírt vegna ofþurka jeg fjekk 500 bú af hveiti 800 af höfrum 20 tons alfalfa 1200 bú af corni en ef árferði hefði verið gott hefði jeg átt að hafa 5000 bú allt er nú að hækka í verði vegna stríðsins nítt hveiti í Júly seldist firir 62 cent en er nú $1,27 corn var 40 c er nú 75 en naut og svín eru ekkert hærri allt er nú við það sama hjer það sem okkur snertir við erum öll við góða heilsu börnin eru öll heima Joe og Lárus gánga á skóla en Perry og Lucy eru búin á alþíðuskóla

Þú segir að Markús sje nú ekki farin að búa já jeg hef nú oft hugsað um hann hann er nú víst

mikil hjálp firir þig jeg get nú til að það væri best firir hann að bíða þángað til hann gæti birjað buskap í Ameríku segðu honum frá mjer að ef hann lángar til að koma til Americu að láta mig vita það og skal jeg hjálpa honum mjer þætti gaman að fá brjef frá honum

Jeg get ekki sagt þjer af Lárusi því jeg hef ekki sjeð hann í meir en 3 ár en jeg heiri af honum við og við hann er við góða heilsu jeg sendi þjer nú mind af okkur og vona þú fáir það með skjilum Jeg bið hjartanlega að heilsa Guðlaugu og börnum þínum firigefðu hvað þettað brjef er stutt og ómerkilegt það ætti nú að komast heim með firstu ferð ef þú færð þettað brjef með skjilum þá skrifaðu mjer aftur með firsta tækifæri jeg skal nú hætta í þettað sinn og bið Guð að varð veita ukkur öll í lífi og dauða þinn elskandi bróðir A Bjarnason