8/4

Reykjavík 3. marz 1887

Hjartkæri pabbi minn!

Beztu og innilegustu þakkir sendi jeg þjer nú með þessum línum fyrir kæra brjefið þitt með síðasta pósti, enn sótti að okkur öllum bæri lega frískum, að Jóhönnu litlu undantekinni hún hefur alltaf verið meira og minna las in, og segja menn að það muni vera af tannkomu, nú sem stendur er hún samt betri, þó engin sjáist tönnin enn Litla Sofía sýnist nú vera frísk, en ekki segir Sch. að brjóstið sje læknað enn, en hann hefur leyft að hún mætti koma út úr svefnher_ berginu, ef jafn hiti væri fram í stofunni og inni, og finnist okkur að henni ekki hafi

neitt lakað við það._ I fyrra dag var jeg hjá Guðrúnu systir þinni og minntist jeg á við hana um föt Jóhannesar sáluga, hvað henni sýnd ist um að eitthvað af þeim yrði sent hingað suður til þessara pilta er hjá honum voru síðast, og sagðist hún ekki geta annað skilið en að það kæmi sjer vel að minnsta kosti þessum Halldóri, því hann væri að kalla fata laus og hjelt hún að honum kæmi bezt að fá nærföt og utanhafnar buxur, því ekki væri að vita hvort hann gæti haft gagn af treyju, það er að segja að hún passaði honum; en hvernig er það með hinn piltinn borgaðir þú ekki húsaleigu fyrir hann? og ætti hann þá ekki að fá minn? og mjer hefur líka heyrst á G. að Halldór hafi ekki síður enn Guðmundur vilja leggja allt sitt fram. Enn ef nokkuð verður sent af

fötum þá þarf þess náttúrlega með fyrstu skips ferð, svo það kæmi hingað áður en þeir færu hjeð an._ Guðrún hefur nýlega fengið brjef frá Sigurrós systur þinni og lætur hún mik ið vel af sjer í Ameríku, og er hún komin þar í góð efni, á bæði hús og fjenað. Hætt er við að svo sje sem þú getur til með skuldir Guðrúnar að ekki verði auðvelt að fá þar inn, bæði eru þær víst gamlar, og svo í þeim stöðum sem ekki er auðvelt að hafa þær úr; jeg veit um að, bæði á hún nokkuð hjá Jóni Pjeturssyni (br biskupsins) er hún segir að hann megi ekki einusinni heyra nefnt, og líka hjá Kristjáni Þorgríms syni sem nærri má geta að hún fær aldrei því nú er hann fullkomlega í kröggum sjalfur og líklega ekki útsjeð um hvernig hann sleppur frá öllu sínu braski. Halldór bróðir

hefur sannarlega nóg að starfa það passarná= unginn, hjer er alltaf verið að stela, og klaga hitt og þetta H. skrifar þjer nú líklega um hvað hjálpað var upp á hann, nefnilega brotinn glugg inn á skrifars kontornum og tekin þar út kassi með liðugum 100 kr. í en til allrar ólukku er víst engin von til að hafist upp á þjófn_ um._ Mikið er jeg glöð yfir hvað blessaður dag= minn er orðinn bjartur, ekki sízt þegar jeg hugsa heim til ykkar, sem máske ekki hafið getað fengið neina steinalínna og er það ekki lítið óþægilegt. Æði mikill munur finnst mjer á veður áttu hjer og bæði fyrir norðan og austan hvað hjer er mikið hlýrra; mjer finnst hreint að hjer ekki hafi verið neinn vetur í samanburði við þar._ Fyrirgefðu nú elsku pabbi minn Rönku þinni þessa fáu línur og vertu hjartanlegast kvaddur með beztu óskum af þinni elskandi dóttir R.